利申: 不是影評, 只係睇過記錄低.
歡迎採用在其他媒體, 如真嘅俾面用了, 無言感激.
從黃大仙過海花來回23大元去港島電影資料館看 <<阿茂正傳>>, 嘉禾電影回顧之一, 但主角竟是死敵邵氏旗下無線電視臺的猛將李添勝先生及其在皇牌節目中的經典角色: “掃街茂”, 可能電視臺不是直屬邵氏電影公司, 李生簽電視臺約不是電影約, 接拍電影不怕沖突, 他近年因<<金枝孽葉>>大紅最近同樣因之大敗, 成敗得失又豈由人算.
李添勝當年在無線皇牌<<歡樂今宵>>演出”掃街茂”, 大受歡迎, 趁勢推電影版.此類搞作日本常有, 香港那些年也算反應快 (近年無線才再有”笑哥臥底警”成功推出電影版). 可能邵氏當時減產, 肥水才流到別人田, 還要流到70年代反出邵氏叛將鄒文懷先生處, 甚離奇, 不知內幕如何.
李生”掃街茂”即係掃街工人蘇家茂(粵語諧音也是掃街), 為人善良勤勞, 卻成日撞板(改粵語書寫更親切-撞板即惹禍之意), 得人同情, 電影版照板煮碗.佢先得罪色情片大導演(似影射李翰祥導演),又誤取劫匪贜款,對未來外母隱瞞掃街”筍工”(筍工即好工作),還拾了棄嬰來養, 一句到尾大好人, 好人未必好報.
李添勝年輕時其實甚俊朗, 牙有少少….整了牙扮李小龍哥都無死, 著老西勁有臺型(西裝), 奇怪女主角超似林青霞, 但又應該唔係, 一幫觀衆在下面細聲議論, 有人話係, 有人NO, 我係反派, 林小姐無理由咁樣嘅, 真要請熟舊片朋友指教一下.
部戲依然有不少星光, 有D我唔識, 認的有樊少皇的父親樊梅生先生, 張艾嘉小姐(認真驚喜), 潘冰嫦小姐, 張寶應是那肥仔.
阿茂正傳導演係老導演朱牧先生, 所以導技手法陳舊, 節奏較慢, 加上唔係動作功夫片, 叫做係喜劇, 但同呢段時間睇開嘅洪金寶搞笑功夫片大大不同/大相徑庭/差好遠, 總算劇本有頭有尾, 針對當時社會種種佢睇唔過眼嘅現象(包括色情片當道-但此片一樣有2段色欲場面-未能免俗-為票房)大力諷刺,一輪說教與奇遇之後, 接上打劫伏線, 阿茂得橫財圓滿結局, 再取笑1976年香港天天有人打劫的現象
HD
