欧罗巴报告

评分：

6.0 还行

原名：Europa Report又名：木卫二报告 / Europa

分类：科幻 / 惊悚 / 地区：美国年份：2013

简介：几十年来，科学家们一直在推测木卫二可能是除地球之外，太阳系中唯一一个有大量液态水

查看详情

更新时间:2013-07-28

欧罗巴报告影评：【电影】13045[7.26]《欧罗巴报告》

如果话《阿波罗18号》只喺一场画蛇添足，子虚乌有嘅纯幻想，咁本片就真喺一出基于现实客观存在嘅科幻。

以罗马神话主神朱庇特命名嘅木星喺太阳系中最大嘅行星，气态嘅佢高速旋转带动住一场太阳系中最大嘅，持续佐数十亿年嘅风暴，席卷全球嘅呢场风暴赋予木星一个直径超过地球嘅巨大风暴眼，仿佛一个独目巨人环视住奥林匹斯嘅泰坦众神。千倍于地球嘅超大体积同质量亦同时令木星得以捕获佐高达66颗卫星，喺呢66位宙斯情人中，最引人注目嘅无疑喺腓尼基公主——木卫二“欧罗巴”（Europa），从1995年“伽利略”发现佢水基嘅内核开始，NASA就一直为探寻太阳系中人类嘅伙伴努力，首当其冲嘅就喺本片嘅背景——欧罗巴计划。

从《科洛佛档案》开始，伪纪录片开始成为一个科幻题材最受宠嘅表现形式，佢表现起嚟真实而诡秘，间或仲可以大量使用断片嘅手法轻而易举咁制造悬念，而且拍摄成本低。但时至今日，亮眼嘅感觉仍然只有开山者“科洛佛”，后来者要么难以类比《Lost》嘅强大编剧，要么因为四五流嘅特效搞烂电影。应该讲，本片整体及格，可惜上述两点全部都拉小小边，首先大量嘅插叙将故事梗概喺一开始就讲晒俾观众知，我哋只需要慢慢等角色一个个死晒，毫无悬念，其次外星八爪鱼究竟出场嚟做乜呢？留返小小悬念咪仲好，衰在咁假咁丑嘅外星人唔见仲好过见。

延续一向对科学嘅批判精神，呢次我只讲一点，电影话欧罗巴表面温度喺“绝对零度”，编剧可曾知道，绝对零度指0K（开尔文），唔喺0℃（摄氏度），绝对零度=-273℃，只存在于理论当中，莫讲话出去掘旧冰，一开门就成船人冻死晒了，要知道我天朝中学课本就讲过了，莫欺我大天朝无人。

最后再吐槽一句，吴彦祖死得实在太可悲了，如同一贯天朝艺术形象嘅特质，为挽救同志嘅生命同保护人民群众嘅财产英勇牺牲，呢种喺一种怎样嘅形象啊——政委！！！

对比“阿波罗”，少佐单纯嘅惊悚却多佐更厚实嘅情感同故事，良好，不推荐，不收藏。